Sunday, December 9, 2007

وكأن شىء لم يكن

يعنى هو خلاص يعنى
بقى اليوم اللى خلاص قلت فيه اكلمها واخلص
بدل ماهى كل يوم رايحه جايه يطلع اليوم دا
دا ايه الحظ دا
وايه كمان
لاقيتها بتقولى ايه رأيك فى الولاعه دى
قلت لها جميله
قالت اصل انا اشترتها لخطيبى

Monday, November 19, 2007

لـسه الدنيا بخـير


لا شىء بعدك يملأ القلب الحزين
لا حب بعدك لا إشتياقا لا حنين
اصلها حاجه تزعل برضه

يعنى هى بقت كده

هما ليه الناس من بره مش زى من جوه

سؤال غريب برضه ومش لاقى له إجابه شافيه عافيه

من ضمن 374 سؤال مش عارف لهم اجابه

وبما أن العمليه ماتفرقش معايا يعنى هى جت على السؤال دا يعنى

بس أنا كان نفسى اعرف يعنى

فيها ايه بس لو إلتزم الكل بالصراحه

وإما صداقة وصفاء .. وإما عداوة وجفاء على رأى النحاس


على فكره الواد تيم الحسن فى دور فاروق

جامد قوى بيفكرنى أيام ما كنت فى عز مجدى وعنفوانى

وتألقى فى درس الاستاذ محمد ناصر بتاع الرياضه

؟......

Wednesday, September 5, 2007

زهقــــــــــــــــــــــــــــــــــان

هما الناس اللى بتزهق
بتزهق من ايه بالظبط يعنى يعنى
ليكون اللى انا حاسس بيه دا زهق لا سمح الله

Thursday, May 17, 2007

بقى هى الدنيا كده









على أنغام حامد عبده المنشد البائس
ليه بعتينى ليه وانا اللى كنت شاريكى
طلعت ما تنفعنيش رغم كل الحب الكامن بداخلى
يا خساره ماحبنيش يا خساره ماحسنيش
إديته عمرى كله حبيته ماحبنيش
حلوه قوى لكن حلاوتها عاوزه مواصفات خاصه

الحــــــب الأول








محبوبتى الأولى ولكن ليست الاخيره
قضيت معها أجمل اللحظات علمتنى كيف يكون الانسان
حنونا وشجاعا وباسلآ وعملتنى المعنى الحقيقى للمسؤليه
كانت بحق فاتنه وجميله وممتعه ولا تمل أبدآ من قربها
وحين تفارقها تظل ليلك تفكر فيما ستفعله حين تقابلها
Stronghold Crusader
حقيقى من أجمل ألعاب حياتى
والعشق بينى وبينها يكاد يصل الى أبعد حد
ممكن يتخيله أى هيومان
لكن للأسف خلصتها وتحولت العلاقه بينى وبينها
زى علاقتى بكل حاجه حبيتها
مش عارف بزهق منها بسرعه كده ليه
المهم لأن أنا عارف نفسى وخصوصا قلبى الخنيق
ودائما يعاودنى الحنين الى
Stronghold Crusader الجميله
قلت أغير وشوف الجديد بما أنى من عشاق التجديد خصوصا فى الجيرلز
أقصد الجيمز طبعا .. بعد بحث دام لفتره طويله وجدت ضالتى وشكلها حلو قوى
وحجمها قليل وغنيه بالمناظر الجميله التى تسر الناظرين
وتشبه كتير حبيبتى أول واحده حبيتها وتقريبا على نفس اسمها
وى ويل باك



Tuesday, May 15, 2007

الإنسان والمنفعه



مش عارف الموضوع دا شاغلنى كده ليه ...
يمكن لأن فى الفتره الأخيره بدأ يظهر معايا
وخصوصا مع شخصيات مقربه جدآ بالنسبه لى
بحترمهم وبحبهم جدآ وكنت مستعد أعمل أى حاجه فى الدنيا لمجرد إنى أسعدهم
ومكنتش منتظر منهم أى حاجه
غير إنهم على رأى سيد درويش ( يزرونى كل 8 سنين مره ) بس
إنما للأسف طلعوا غدارين وبكاشين وشمامين
واللى زيهم مش لازم يعيش ليوم الثلاثاء ولا الاربعاء
المهم أرجع لموضوعى اللى هو المنفعه
س :- هل صحيح إن كل الراوبط التى تربط البشر ببعض

يجب أن تكون مرتبطه بمنفعه من أى نوع ؟ ها فين الاجوبه

إبقو معنا ..

Saturday, May 12, 2007

تحديد الاتجاه

على فكره هو موضوع صعب قوى إن الشخص يبحث لنفسه على إتجاه
بس ببساطه بما أنى الوحيد المعلق فى كل الاحوال
ومحدش هيتحمل نتائج أى حاجه ممكن تحدث غيرى برضه
فأنا هاكتب ما تمليه علي نفسى وما يرضاه قلبى ويتقبله ضميرى
ولا حول ولا قوة إلا بالله
ومش كل شاب إتخلق يعمل قلق
إنتظرونا

Thursday, April 26, 2007

مصاء الخير




عدنا .....!!
ولو إنى مش عارف عدنا ليه بس ربك بيستر
اه ... عدت عشان أكمل ماسبق ولم ينتهى منه زى ما كل الناس بتعمل
ومع أننى لم أعد العدة وأصحو على الاقل مبكرآ لمتابعة النشاط
اللى أنا عزمت عليه نفسى زى ما كل الناس فى الفتره الاخيره بدأت تعمل
تبعآ للظروف التى سبق وأشرنا لها
للأسف ( صحيت متأخر ساعتين عن العادى ) إظاهر

إن النشاط الفكرى بيتعب قوى
عموما وما نيل المطالب بالتمنى ولكن تأخذ الغله شوالا
طب سؤال بسيط ( أكيد السؤال موجه لشخصى أنا )عشان أنا الشخص الوحيد

اللى من حقه يسئل بما أن المدونه دى بتاعتى
وطبيبعى أنا برضه الشخص الوحيد اللى هيتسئل لانه محدش غير موجود
السؤال ايه بقى إيه هو نوع النشاط اللى ممكن أقوم بيه
سياسى مثلا أكيد لاء مش خوف لا سمح الله يعنى هخاف على ايه
محلتيش غير الدي فى دى وطلع بينسخ عادى كمان
لكن أساسا المشكله تكمن فى أن الواحد سياسيآ جاهل زى السمك
طب الواحد هيتكلم على ايه ما هو مش معقول هسيبها فاضيه

كده كأمعاء الاخوه فى مقديشيو
واضح ان الموضوع كبير قوى .. محتاج أدور لنفسى على سكيلز
ولو إنى حاسس أن كل ما أجيده هو مخاطبة العذارى أو جايز انا بصعب عليهم فبيكلمونى
عموما اهى مهاره برضه انى بصعب على الناس
بى رايت باك

Wednesday, April 25, 2007

إنفتاحيه

مساء الخير يا حلوين
النهارده بعتبره يوم زى اى يوم عادى قصير كالعاده لان اغلبه نوم
(مش على اساس ان نوم الظالم عباده لا سمح الله )
ولكن لانه الايام السوده ديتها النوم
لكن طرأ على تلك الايام احداث جديده سوف اغير من بها من حياتى وعلى الاقل سوف اقلل بها
من عدد ساعات النوم ( عشان ضهرى وجعنى )
ولنا عوده ويجعله عامر